Një person ka mbetur i plagosur me thikë në qytetin e Korçës mëngjesin e sotëm pas një zënke.
Ngjarja ka ndodhur rreth orës 8:30 të mëngjesit në një lokal në lagjen 5, pas një sherri për motive banale. I plagosuri është Fatmir Rrapushi 57 vjeç, i cili është dërguar në spitalin e Korçës.
Aktualisht 57-vjeçari ndodhet në reanimacion në gjendje të rëndë, pasi thika i ka prekur mushkërinë.
Policia e Korçës ka mundur të arrestojë autorin e plagosjes Artur Qamili, 55 vjeç. Ndërkohë materialet i kaluan Prokurorisë së rrethit për procedim të mëtejshëm penal.