Ka qenë dhuna e vazhdueshme që i biri ushtronte mbi të, arsyeja që e ka shtyrë një 51 vjeçare nga Fieri t’i drejtohet policisë për të kërkuar ndihmë. Burime nga blutë e Fierit bëjnë me dije se ditën e djeshme ka nisur procedimi penal dhe shpallja në kërkim e 26 vjeçarit Klodjan B., banues në Baltëz të Fierit, pas kallëzimit të së ëmës. Mësohet se 51 vjeçarja e cila është identifikuar me inicialet M.B., ka bërë me dije në policinë e këtij qyteti se i biri, prej disa ditësh ushtron mbi të dhunë psikologjike dhe fizike në mënyrë të vazhdueshme. Materialet proceduriale iu dërguan Prokurorisë së Rrethit Gjyqësor Lushnje për veprën penale “Dhuna në familje”.