Një grua 67 –vjeçare ka gjetur vdekjen, pasi është qëlluar me armë zjarri, në fshatin Grevë të Peshkopisë.
Sulbie Difeku është gjetur e përgjakur në shtëpi nga disa të afërm të saj, të cilët e dërguan në spital.
Por mjekët thanë se ajo kishte ndërruar jetë gjatë rrugës nga plaga e marrë nga një pushkë gjysmë -automatike.
Rrethanat e kësaj ngjarje janë të paqarta. Policia dyshon se bëhet fjalë për një vetëvrasje, por nuk përjashton pistën e vrasjes.
Arma e krimit është sekuestruar dhe do t’u nënshtrohet analizave balistike.
