KAVAJË-Një 27-vjeçar është ekzekutuar me armë zjarri në qytetin e Kavajës. Ngjarja ka ndodhur rreth orës 20:45 të mbrëmjes së sotme. Policia bën me dije se viktima është Andi Peqini.
Sipas policisë ai është qëlluar me breshëri plumbash teksa ka qenë duke udhëtuar me mjetin e tij.
Blutë e qytetit të Kavajës kanë mbërritur në vendin e ngjarjes dhe kanë nisur hetimet për identifikimin dhe kapjen e autorëve si dhe sqarimin e motiveve të ngjarjes së rëndë. Nga të dhënat e dëshmitarëve okularë të pyetur nga policia bëhet me dije se autorët kanë lëvizur me një BMW X5 me targë italiane.
