Policia kufitare e portit të Durrësit ka vënë në pranga një 35 vjeçar nga Shkupi i shpallur në kërkim ndërkombëtar.
I ndaluari u identifikua si Samir Chekikj, i cili u kap në flagrancë nga Policia Kufitare e Portit të Durrësit kur po kryente procedurat e regjistrimit në hyrje dhe nga verifikimi rezultoi person në kërkim ndërkombëtar, i shpallur nga Interpol Maqedonia.
Chekikj ishte shpallur në kërkim për veprën penale “Përdorim dhe vënie e lëndëve plasëse eksploziv”.
Në ngarkim të të ndaluarit u kryen veprimet e nevojshme proceduriale dhe materialet iu kaluan Prokurorisë së Durrësit për veprime të mëtejshme.