Një operacion i policisë së Vlorës ka bërë të mundur zbulimin dhe asgjësimin e shtatë parcelave të mbjella me lëndë narkotike.
Në fshatin Mavrovë të komunës Kotë u zbuluan dhe asgjësuan 770 rrënjë bimë narkotike të llojit kanabis sativa, të cilat ishin të kultivuara në shtatë parcela të ndryshme.
Lidhur me këtë rast u bë dokumentimi i plotë ligjor si dhe asgjësimi me djegie i bimëve narkotike.
Materialet i kaluan Prokurorisë për ndjekje të mëtejshme procedurale për veprën penale “Kultivimi i bimëve narkotike”, ndërsa po punohet për identifikimin e personave që kanë mbjellë lëndën narkotike, pasi zona ku u gjetën bimët narkotike është pa pronar.
