Një sasi e madhe lënde narkotike, e cila kishte destinacion Italinë është kapur ditën e sotme në qytetin e Vlorës. Rreth 200 kilogramë kanabis sativa janë ndaluar dhe sekuestruar në portin e këtij qyteti.
Burimet kanë thënë për NOA.al se lënda narkotike është gjetur gjatë një kontrolli rutinë në mjetin tip Volvo me targa VL 4123 F.
Në komisariatin e Vlorës, deri në këto momente është shoqëruar drejtuesi i mjetit, Valter Hazizaj. Po punohet për kapjen dhe identifikimin e autorëve të tjerë.