702 rrënjë bime narkotike të llojit kanabis sativa janë asgjësuar nga policia e Vlorës në territorin e këtij qytetit.
Bima narkotike është zbuluar në fshatin Penkovë të Komunës Vllahinë, dhe pikërisht në vendin e quajtur “Përroi i Penkovës”, i cili ndodhet në anën veriore të fshatit. Në këtë zonë, sipas bluve të Vlorës, u konstatuan 4 parcela në të cilat ishin mbjellë 302 rrënjë bimë narkotike me lartësi nga 1 m - 1.5 m.
Gjithashtu, në fshatin Gorrisht të Komunës Vllahinë, dhe pikërisht në vendin e quajtur “Përroi i Mërtiraj”, u konstatuan 9 parcela me 400 rrënjë bimë narkotike lartësia e të cilave shkonte nga 80 cm - 1.80 c m.
Sipas policisë bëhet e ditur se toka ku është kultivuat lënda narkotike ka qenë tokë publike. Kanë filluar hetimet për identifikimin e autoreve për veprën penale "Kultivimi i bimëve narkotikeve".
