Kudret Kume ishte një djalë i qetë dhe i urtë që kishte vetëm një pikë të dobët: dashurinë për nënën. Kështu shprehet 33- vjeçari nga Delvina, Flaurent Gjoça i cili ka ndarë qelinë nëGreqi për dy vite me Kumen i cili u torturua nga gardianët greke për vdekje.
Gjoça thotë për Panoramën se gardiani, që u vra prej Kumes, ishte shumë shpirtkeq dhe e meritonte vdekjen.
“Për mua, Jorgo Cironi ka qenë gardiani më i degjeneruar, më shpirtkeqi në Greqi. Jo vetëm kaq, por ai ka qenë më provokuesi. Edhe unë mund ta kisha vrarë atë. Një ditë erdhi në dhomën tonë, atë moment isha me Mirushin, një shokun tim nga Vlora. Më mori telefonin nga dora dhe më goditi, dhimbje të cilën e durova duke shtrënguar dhëmbët. Ai donte të bënte gjithmonë heroin nëburg. Ishte ai vetë që fuste telefonat në burg se shiteshin shtrenjtë tek ne ato, 1500 euro, dhe pasi i shiste, përdorte mënyrën tjetër, duke u futuar për t’ua gjetur, me qëllim që të burgosurit të merrnin dënime të tjera”. shprehet ai.
Gjoça thotë se Kume nuk ka shprehur ndjenja urrejtje për gardianët, edhe pse thotë se i ishte nxirë jeta në burg. I pyetur se si u ndje kur mësoi për atë që kishte ndodhur në Greqi, ai shprehet se i ka ikur truri dhe çdo moment i shkon mendja tek shoku i tij.
