Në kuadër të një hetimi të mëparshëm sot është finalizuar një operacion i Policisë së Shtetit në Shkodër, ku janë sekuestruar 4 mina me telekomandë dhe është arrestuar shtetasi Pjetër Baba.
Gjatë këtij operacioni janë sekuestruar gjithashtu edhe 4 pistoleta e një silenciator.
Lidhur me operacionin në Shkodër janë shpallur në kërkim edhe 2 persona të tjerë, identiteti i të cilëve nuk bëhet i ditur për arsye hetimi.
Operacioni i cili vijon ende është kryer nga Krimet e Rënda dhe RENEA.