Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre dhe anëtarët tjerë të familjes.
Ndihmën e Policisë e ka kërkuar mbrëmë edhe një grua në Prishtinë, e cila ka denoncuar bashkëshortin dhe vjehrrën për dhunë psikike.
Burimet kanë zbardhur detaje nga deklarata e 41-vjeçares e cila ka pohuar se bashkëshorti jeton jashtë shtetit dhe vazhdimisht i kërkon që bashkë me fëmijët të dalë nga shtëpia.
Si rezultat i denoncimit, njësitë policore kanë marrë veprimet hetimore dhe me urdhër të prokurorit është iniciuar rasti ‘Dhunë në familje’, ndërsa i dyshuari është futur në stoplistë.
