Plagoset një person në oborrin e një kazinoje në Breznicë të Bujanocit, Policia e Kosovës arreston nëntë persona

Kronikë e zezë

Plagoset një person në oborrin e një kazinoje në Breznicë të Bujanocit, Policia e Kosovës arreston nëntë persona

Më: 15 nëntor 2022 Në ora: 10:56
Foto ilustrim

Në fshatin Breznicë, Gjilan, në oborrin e një kazinoje është plagosur me armë zjarri një person, i cili është jashtë rrezikut për jetë.

“Drejtoria Rajonale e Policisë Gjilan, Stacioni Policor Kamenicë rreth orëve të hershme të mëngjesit ka pranuar një informatë ku dyshohet se në zonën e fshatit Breznicë jashtë territorit të Republikës së Kosovës oborrin e një kazinos një person shqiptar shtetas i Kosovës është plagosur me armë zjarri dhe i njëjti nga një familjar i tij është transportuar për në spitalin Rajonal të Gjilanit”, njofton policia.

Sipas njoftimit, lidhur me këtë rast janë arrestuar nëntë persona.

“Njësitet Policore me të marrë informatën kanë ndërmarrë të gjitha veprimet policore ku kanë arritur që të lokalizojnë dhe të arrestojnë brenda territorit të Republikës së Kosovës nëntë persona të dyshuar shtetas të Kosovës të cilët dyshohet se janë të përfshirë në këtë incident. Viktima është trajtuar në Emergjencën e Spitalit Rajonal të Gjilanit dhe sipas mjekut kujdestarë është jashtë rrezikut për jetë”, thotë policia.

Gjithashtu, njësiti Rajonal i Hetimeve në koordinim të plotë me Prokurorin e Shteti janë duke i hetuar rrethanat se si ka ndodhur rasti, rast i cili sipas Prokurorit të Shteti është cilësuar “Vrasje në tentativë’’.

commentFirst article
Sot mund të lexoni Shfletoni kopertinat