Tre persona janë arrestuar mbrëmë rreth orës 21:30 në Grashticë të Prishtinës.
Sipas njoftimit nga policia, thuhet se të njëjtit janë arrestuar pasi në një ndejë familjare, dyshohet se kanë shtënë me armë zjarri.
Njësitet policore në vendin e ngjarjes dhe gjatë bastisjes në shtëpinë e tyre dhe objektet përcjellëse kanë gjetur e konfiskuar; një armë automatike AK-47 me karikator, katër pistoleta të ndryshme me karikator (njëra prej tyre me gas) 49-fishekë kalibër i ndryshëm, 44-fishekë me gas, dhe 349- gëzhoja kalibër i ndryshëm.
Me vendim të prokurorit, të dyshuarit pas intervistimit janë liruar në procedurë të rregullt.
