1000 euro janë vjedhur në një veturë nga hajnat në fshatin Bresje në Fushë Kosovë.
Policia e Kosovës, përmes raportit 24 orësh ka njoftuar se për këtë rast ka arrestuar tre persona të dyshuar.
Të njëjtit kanë qenë në gjendje të dehur, ndërsa Policia në veturën e të dyshuarve ka gjetur para të gatshme 6050€ dhe gjatë kontrollit fizik janë gjetur edhe 1024€.
“Fsh. Bresje, Fushë Kosovë, 03.06.2022 – 04:17. Janë arrestuar tre të dyshuar meshkuj kosovarë pasi që të njëjtit (në gjendje të dehur) kanë vjedhur nga vetura e viktimave meshkuj kosovar para të gatshme 1000 €. Policia në veturën e të dyshuarve ka gjetur para të gatshme 6050€ dhe gjatë kontrollit fizik janë gjetur edhe 1024€. Me vendim të prokurorit, të dyshuarit pasi që janë këndellur dhe intervistuar të njëjtit janë liruar në procedurë të rregullt”, thuhet në raport.
