Një rrahje mes pesë personave ka ndodhur të mërkurën në Klinë, ku për pasojë dy të dyshuar kanë pësuar lëndime pasi është shtënë edhe me armë zjarri.
Sipas raportit të policisë, të plagosurit janë dërguar në tretman mjekësorë, dhe të njëjtit sipas raportit mjekësorë janë jashtë rrezikut për jetë
“Në vendin e ngjarjes në cilësi të provave materiale janë gjetur dhe konfiskuar; dy pistoleta, 15 fishekë, dy gëzhoja, një sprej dhe një brisk.
Me vendim të prokurorit të dyshuarve u është caktuar masa e ndalimit për 48 orë ku tre prej të dyshuarave janë dërguar në mbajtje, ndërsa dy të dyshuarit tjerë të plagosur janë në tretman mjekësor nën mbikëqyrje policisë”, thuhet tutje në raport, transmeton Klankosova.tv.
