Mbrëmjen e sotme, një këmbësor është goditur nga një veturë në fshatin Zabel të komunës së Drenasit.
Zëdhënësi i Policisë Agron Borovci ka thënë se si pasojë e aksidentit, këmbësori ka pësuar lëndime trupore dhe është dërguar për trajtim në QKUK.
“Sot rreth orës 20:20, është pranuar informata se në fshatin Zabel, komuna e Drenasit , ka ndodhur një aksident trafiku rrugor në mes të një automjeti dhe një këmbësori.
Bazuar në të dhënat fillestare, si pasojë e aksidentit këmbësori ka marrë lëndime trupore dhe i njëjti është dërguar në QKUK për trajtimin e nevojshëm mjekësor”, ka bërë të ditur Borovci.
