Dy aksidente rrugore u regjistruan pasditen e sotme në Pogradec dhe Durrës, por fatmirësisht pa të lënduar në njerëz.
Në rrugën Korçë-Pogradec, pranë kryqëzimit të Potgories, dy mjete janë përplasur fort me njëra-tjetrën. Nga aksidenti ka dëme të mëdha materiale në makina, ku njëri prej mjeteve ka përfunduar në karburant.
Policia e mbërritur në vendngjarje ka nisur hetimet.
Aksidenti tjetër u regjistrua te ura e Dajlanit, ku një makinë ka rrëshkitur dhe është përplasur me trafikndarësen. Policia ndodhet në vendngjarje për të zbardhur shkaqet. Për shkak të aksidentit është devijuar qarkullimi.