Kanë kaluar dy muaj qëkur Gjykata Themelore në Mitrovicë e ka shqiptuar dënimin prej gjithsej gjashtëdhjetë e pesë vjetësh burgim për pesëmbëdhjetë pjesëtarët e Grupit të Drenicës, ndërsa vetëm të premten e javës së kaluar, të pandehurit dhe avokatët e kanë pranuar aktgjykimin e formës së shkruar.
Ndonëse afati për dorëzimin e aktgjykimit të formës së shkruar është vetëm tridhjetë ditë, kjo vonesë ka ndodhur me kërkesë të trupit gjykues dhe atë për shkak të ndërlikueshmërisë së rastit.