Presidentja e Republikës së Kosovës Atifete Jahjaga ka bërë homazhe në Kompleksin Memorial në Prekaz, ku tha se po nderon sakrificën e atyre që dhanë gjithçka që sot Kosova të jetë e lirë dhe e pavarur.
Duke bërë homazhe në Kompleksin Memorial në Prekaz, për nder të Ditës së Forcave të Sigurisë së Kosovës, Jahjaga tha se Kosova e lirë dhe e pavarur do të integrohet në strukturat euro-atlantike.
Homazhe në Prekaz ka bërë edhe komandanti i FSK-së, gjenerali Kadri Kastrati i cili tha se përvjetorin e vet të shtatë FSK do ta festojë me emrin e ri, Forcat e Armatosura të Kosovës.
