Ish prokurorja e EULEX-it, Maria Bamieh, pas shumë deklaratave të saj në llogari të EULEX-it, ajo ka treguar edhe një rast se një prokuror ndërkombëtarë nuk ka lejuar që të hapet një rast i ri, i cili mund të kodohej si “Bllaca 3”, që kishte të bënte me transaksione pronash brenda dhe jashtë Prishtinës. Një prokurore e EULEX-it kishte kërkuar që ta intervistonte Nazim Bllacën për këtë rast, por prokurori Jonathan Ratel nuk e kishte lejuar këtë. Bamieh thotë se prokurorja Diana Ëilson dëshironte të takohej me Bllacën për ta intervistuar rreth këtyre dyshimeve.
Publicisti dhe analisti politik, Jeton Kelmendi, thotë për gazetën “Bota sot” se, çështjet në Kosovë po shkojnë gjithnjë drejt degradimit, pasi hetimet e rasteve si rasti Bllaca janë politike. “Mendoj që çështjet në Kosovë gjithnjë po shkojnë drejt degradimit dhe nëse dje ka qenë keq, sot është më keq dhe me këtë them se edhe nesër do të jetë edhe shumë më keq. Prandaj edhe ndalja e hetimet dhe proceset gjyqësor në rastin Bllaca dhe shumica e rasteve mendoj që janë nis e sos dhe janë politike. Dhe për fat të keq të popullit të Kosovës politika është përzier shumë në drejtësinë dhe gjë tjetër”, thotë Jeton Kelmendi.
(Tekstin e plotë mund ta lexoni të shtunen dhe të dielen në publikimin e shtypur të gazetës kombëtare “Bota sot” në Kosovë dhe diasporë)
