Përmes një komunikate, Policia e Kosovës, ka konfirmuar të ketë pranuar një ankesë nga Fatmir Sejdiu, se persona të paautorizuar kanë marrë faqen e tij zyrtare në Facebook.
Policia ka njoftuar se këta të dyshuar janë duke lëshuar informata dhe postime të rrejshme në emër të ish-presidentit të Republikës së Kosovës z. Fatmir Sejdiu
Sipas kësaj komunikate, njësia për hetimin e krimeve kibernetike ka ndërmarrë të gjitha veprimet e nevojshme policore
Ndryshe, rastin e ka bërë të ditur edhe Fatmir Sejdiu, përmes një njoftimi për media. Ai ka thënë se që prej muajit maj nuk është duke menaxhuar me profilin e tij.
Sipas Sejdiut, prapavija e autorëve të tillë është tërësisht politike dhe ka për qëllim denigrimin personal të tij.