Me marrëveshjen për energjinë që është arritur në Bruksel, Serbia e ka njohur pavarësinë e Kosovës në fushën energjetike.
Kështu tha zv.kryeministrja e Kosovës, Edita Tahiri, gjatë një paraqitje për media. Ajo tha se kjo marrëveshje dhe plani aksional është rezultat i një procesi katërvjeçar të bisedimeve. Sipas saj, me këtë marrëveshje shuhen të gjithë operatorët ilegalë të energjisë që kanë vepruar në pjesën veriore të vendit që nga përfundimi i luftës dhe fillon normalizimi i gjendjes me energji në katër komunat veriore.
