Po vazhdojnë reshjet e dendura të borës për tash e disa orë në shumë vende të Republikës së Kosovës. Krerët e disa komunave kanë deklaruar se rrugët në qytetet e tyre janë të kalueshme pas pastrimit nga kompanitë përkatëse.
Përveç komunikacionit, problem tjetër për disa qytetarë gjatë këtyre orëve po është edhe mungesa me energji elektrike si pasojë e dëmeve nga reshjet.
Megjithatë, për ta larguar së paku problemin e qarkullimit, banorët e disa fshatrave po aktivizohen edhe vetë duke bërë pastrimin e rrugëve.
Në fshatin Kuk të Dragashit, një banor në mënyrë vullnetare me pajisjen e tij ka dalë dhe ka pastruar rrugët e mbuluara nga disa centimetra borë që vështirësonin qarkullimin e qytetarëve.
