Ministria e Shëndetësisë së Kosovës, sot ka informuar se furnizimi me ujë të pijes është stabilizuar pas situatës së krijuar si pasojë e të reshurave të shumta dhe vërshimeve në pjesën më të madhe të vendit.
Ekipet e Institutit Kombëtar, siç ka potencuar MSh, po vazhdojnë me vigjilencë të shtuar dhe janë në monitorim të pandërprerë të ujit të pijes.
MSh ka theksuar se nuk ka raste të dyshimta të sëmundjeve ngjitëse si pasojë e vërshimeve.
“Qeveria e Republikës së Kosovës ka ngritur nivelin e gatishmërisë me të gjitha institucionet përkatëse. Të gjitha QRSHP në Kosovë janë në gjendje gatishmërie me ekipe kujdestare pa ndërprerë me specialistët e ekologjisë humane dhe epidemiologjisë dhe po monitorojnë situatën epidemiologjike e cila është në kontroll dhe nuk ka raste të dyshimta të sëmundjeve ngjitëse si pasojë e vërshimeve.”, është bërë e ditur në komunikatë.
Ministria ka bërë të ditur gjendjen e ujësjellëseve në Kosovë.
KRU "Prishtina"- Rajoni Prishtinë: Fabrika në Shkabaj dhe fabrika Drenas trajtojnë ujin me kapacitet jo të plotë.
Për shkak të uljes së kapacitetit prodhues janë duke u zbatuar restriksione në tërë zonat e shërbimit të KRU-Prishtina.
Të gjitha mostrat e testuara në laboratorët e IKSHPK janë brenda standardeve për ujë të pijshëm sipas Udhëzimit Administrativ Nr.10/21 për cilësi dhe konsum human.
Klori rezidual në rrjetin shpërndarës është 0,1mg-0,3mg/L.
KRU "Mitrovica"- Rajoni Mitrovicë: Fabrikat në Shipol- Mitrovicë dhe në Balicë- Vushtrrisë janë në funksion të plotë me trajtimin e ujit.
Në mostrat e grumbulluara, analizat laboratorike fiziko-kimike dhe bakteriologjike rezultojnë brenda standardeve.
Klori rezidual në rrjetin shpërndarës është 0,2mg-0,3mg/L në tërë zonën e shërbimit.
Për shkak të vërshimeve uji i puseve nuk është i sigurt dhe duhet të vlohet para përdorimit.
KRU “Hidrodrini”- Rajoni i Pejës: Vlerat e turbullirës brenda standardeve.
Në mostrat e grumbulluara, analizat laboratorike fiziko-kimike rezultojnë brenda standardeve.
Klori rezidual në rrjetin shpërndarës është 0,2mg-0,3mg/L
Për shkak të komunikimit të lumit Klina me resursin e Jarinës, uji ka kontaminim bakteror.
Rekomandojmë KRU “Hidrodrini” të ngrisë nivelin e kontrollit në procesin e trajtimit dhe në rrjetin shpërndarës.
KRU "Gjakovë"- Rajoni i Gjakovës:
Në zonat e furnizimit nga KRU”Gjakova” gjendja e cilësisë së ujit të pijes është e qetë.
Të gjitha mostrat e analizuara janë brenda standardeve të parapara për ujin e pijshëm.
Klori rezidual në rrjetin shpërndarës është 0,25mg-0,35mg/L.
KRU "Bifurkacioni"- Rajoni Ferizaj: fabrika në Pleshinë, Kaçanik, Hani Elezit, Shtërpcë të gjitha mostrat e ujit janë brenda standardeve për ujin e pijes.
Klori rezidual në rrjetin shpërndarës është 0,2-0,3mg/L.
KRU "Hidromorava"- Rajoni Gjilan:
Të gjitha mostrat e ujit të cilat janë marrë në Gjilan janë brenda standardeve për ujin e pijes.
Klori rezidual në rrjetin shpërndarës është 0,2mg-0,3mg/L.
KRU "Hidroregjioni jugor"- Rajoni Prizren:
Të gjitha mostrat e testuara në laboratorët e QRSHP Prizren janë brenda standardeve për ujë të pijshëm sipas Udhëzimit Administrativ Nr.10/21 për cilësi dhe konsum human.
Klori rezidual në rrjetin shpërndarës është 0,2mg-0,3 mg/L.
në gjendje gatishmërie dhe me monitorim të rregullt, në dispozicion me të gjitha kapacitetet për të ruajtur situatën stabile dhe për çdo përkeqësim të situatës epidemiologjike do të informoheni në kohë reale.
Kujtojmë që, pas reshjeve të dendura të shiut, institucionet shëndetësore kanë bërë thirrje për vlim të ujit para përdorimit.
