Hoxha dhe Xoxe kishin shprehur kënaqësinë e thellë me thirrje gëzimi dhe kishin thënë pothuajse njëzëri “sa mirë po ua bëjnë reaksionarëve të ndyrë që po duan të na prishin me vëllezërit jugosllavë..., t’i vrasin të gjithë sa janë...”. Dhe “vëllezërit jugosllavë” ua plotësuan dëshirën me masakër, në Tivarin shqiptar.
Edhe sot e kësaj dite sa herë që flitet për masakrat komuniste andej apo këndej kufiri, krijohet përshtypja se e vërteta e atyre ngjarjeve po plasohet në mënyrë gjysmake me shumë tabu, dhe sikur historiografia ende po kursen regjimin e Enver Hoxhës nga etiketimi i hapur. Një nga këto masakra është edhe ajo e Tivarit, që mori mijëra jetë të shqiptarëve të Kosovës. Lidhur me këto ngjarje por duke i shtruar ato në një rrafsh të gjerë, z.Sulejman Gjana paraqet për lexuesin një realitet të cilin ai personalisht e detabuizon në tërësi, duke e thënë të vërtetën ashtu siç ajo është.
(Intervistën e plotë mund ta lexoni të martën në publikimin e shtypur të gazetës kombëtare “Bota sot” në Kosovë dhe diasporë)
