Reali i Madridit dhe Bajerni i Mynihut nuk po luajnë vetëm për një vend në finalen e madhe në Londër më 1 qershor.
Ata kanë gjithashtu në tryezë një çmim të majmë financiar që UEFA ia shpërndan çdo ekipi finalist.
Kualifikimi në finalen e madhe do të sillte gjithashtu një dorë të mirë milionash për dy finalistët. Si Reali dhe Bajerni, shtuar këtu dhe PSG-në e Dortmundin kanë siguruar tashmë 12.5 milionë euro vetëm duke arritur në gjysmëfinale dhe tani mund të arrijnë një shtesë prej 15.5 milionë euro duke arritur në finalen e madhe.
Pikërisht dy skuadrat që përballen me njëra-tjetrën sonte në mbrëmje, Reali i Madridit dhe Bajerni i Mynihut janë dy klubet që kanë fituar më shumë në këtë Champions League. “Los blancos” kanë arkëtuar 103 milionë euro dhe Bajerni është afër 100 milionë euro.
