Arrigo Sacchi, legjenda e Milan-it, në një artikull për “La Gazzetta dello Sport” i ka dhënë këshilla klubit kuqezi:
“Për të mirën që i dua Milan-it, duke pasur parasysh të kaluarën time, them që tani drejtuesit duhet të ndalen dhe të mendojnë dhe më pas, me mençuri dhe ekuilibër, të marrin vendime për të ardhmen.
“Është e nevojshme që ata të fokusohen te një trajner që gëzon besimin e tyre të plotë dhe që nuk do të vihet në dyshim pas humbjes së parë.
“Edhe unë pata probleme në fillim, por Berlusconi thirri të gjithë ekipin dhe tha: ‘Dijeni që Arrigo do të jetë sërish trajner vitin e ardhshëm. Kushdo që e ndjek do të qëndrojë. Kush nuk e ndjek do të largohet’. E qartë dhe definitive. Dhe nga ai moment nuk kemi humbur asnjë ndeshje.
“Prandaj, drejtuesit e Milanit të sotëm duhet të punësojnë një trajner dhe ta mbështesin atë në kërkesat për blerjet dhe shitjet, padyshim në përputhje me buxhetin e vënë në dispozicion nga klubi.
“Drejtuesit nuk duhet të bëjnë trajnerin, sepse nuk janë, dhe se ata nuk duan të zgjedhin dhe blejnë lojtarët për t’ia dorëzuar trajnerit. Do të ishte një gabim i madh.
“Trajneri duhet të zgjedhë njerëzit me të cilët do të duhet të punojë, bazuar në cilësitë e tyre teknike dhe mbi të gjitha në bazë të cilësive të karakterit të tyre. Përndryshe ne vazhdojmë të duam ta ndjekim suksesin me metodën e gabuar.
“Qartësia e marrëdhënieve dhe roleve dhe respekti i tyre, brenda një klubi futbolli si dhe një kompanie, janë thelbësore për të arritur rezultate të rëndësishme. Pa to është e vështirë të arrish në vijën e finishit”.
