Trajneri i Manchester Cityt, Pep Guardiola ka folur për krizën e lëndimeve që e ka kapluar repartin e mbrojtësve të skuadrës së tij.
Guardiola tha se City ka një problem të madh me mbrojtësit e lënduar, por që pavarësisht kësaj skuadra e tij nuk duhet të ndalet.
“Me mbrojtësit e lënduar, ne kemi një problem të madh, shumë të madh. Në atë pozitë, ne nuk mund të pushojmë. Rodri është kyç për neve, ju mund ta shihni këtë. Do ta shohim si do ta menaxhojmë situatën e tij”, tha Guardiola.
Po ashtu, Guardiola e konfirmoi se Ederson është rikthyer nga lëndimi i tij.
“Ederson është i gatshëm të jetë titullar, ai është rikthyer”, tha Guardiola.
