Tirana do të presë Kukësin në “Air Albania” ditën e shtunë në orën 15:00, sfidë e vlefshme për javën e 31-të të Superiores.
Bardheblutë synojnë me çdo kusht rikthimin te fitorja përballë vendit të fundit që në fakt gëzon një formë të mirë.
Një tjetër hap fals mund të ishte fatale për fatet e Final Four ku në 5 javë nga fundi, mund të mbylleshin shpresat për të shpëtuar sezonin.
Klubi bardheblu ka nxjerrë në shitje biletat dhe ka publikuar çmimet e tyre që vijojnë të jenë njësoj me sfidat e tjera që kanë luajtur në impiantin modern të kryeqytetit.
