Ai është një nga futbollistët më të fortë në historinë e Brazilit.
Ish-sulmuesi Romario ka humbur nënën e tij dhe në “X” ka shkruar një postim të gjatë, dedikuar asaj.
“Me trishtim të pafund dhe tashmë me nostalgji të pamasë, i them fizikisht lamtumirë dashurisë sime të madhe, mbretëreshës sime, gruas që më dha jetën dhe më udhëhoqi në rrugën e ndershmërisë.
Nëna ime e dashur shkoi të takonte Atin Qiellor. Dhimbja që ndjejmë tani është e pashpjegueshme, por jemi të sigurt se dashuria që na ka dhënë Dona Lita është gjëja më e çmuar që kemi. Të gjithë ata që më ndjekin e njohin nënën time, sepse ajo ka qenë gjithmonë me mua.
Sot humba nënën time, por humba edhe shoqen time më të mirë, tifozen time më entuziaste, mësuesen time të jetës. Mami, do të jetosh përgjithmonë në zemrat tona. Faleminderit për gjithçka! Pusho në paqe pranë Zotit dhe përqafoje babain për ne.
Do të të dua gjithmonë! I kërkoj Atit Qiellor forcën për ta përballuar këtë moment të vështirë me familjen time”.
