Erzeni dhe Laçi ndanë pikët në ndeshjen e parë të fazës së katërt të kampionatit.
Pas përfundimit të sfidës foli edhe trajneri i shijakasve, Alfred Deliallisi.
“Një pjesë e parë ishim të kujdesësh për të mos përsuar pasi do ishte malore e madhe, u munduam të ishim sa më racionalë.
Laçi kishte ardhur të merrte pikë, nuk kishim lirshmërinë e duhur. Ishte ndeshje episodesh, por 20 minutat e fundit zotëruam topin dhe mund të kishim goditur kundërshtarin por nuk mundëm, por pikët janë aty dhe vazhdojmë me kokën lart.
Laçi gjatë gjithë kohës ishte në ekuilibër dhe na fuste në trysni dhe i shkoi për shtat atyre. Alba ishte gjatë gjithë kohës 1 kundër 1, dhe ne i kishim marrë masat tonë për tju përgjigjur.
Ne patëm raste më të pastra me Mihanën në fund të ndeshjes dhe une them që ishim ne që humbëm dy pikë sot.
Marzuku ka qenë me temperaturë gjatë natës, Zeka pardje është bërë baba dhe ka udhëtuar, nuk kishim cfarë të humbnim dhe prandaj e aktivizova atë, nuk pata alternative. Topin e falëm shumë kollaj Kahrimanoviç u mundua dhe skuadra dha gjithçka por ky ishte rezultati.
Gjatë gjithë kohës u munduam të krijonim çift por kundërshtari i kishte marrë masat, duhet të kishim më karakter dhe të godisnim”, deklaroi ai për “MCN TV”..
