Milani ka lëshuar një komunikatë duke insistuar se janë duke bashkëpunuar në maksimum me autoritetet, pasi që zyrat e klubit u bastisën sot, me Ivan Gazidis dhe Giorgio Furlanin nën hetime.
Zyrat e Milanit u bastisën sot nga Policia e Financave të Italisë, të cilët morën dosje dhe kompjuterë për ti ekzaminuar.
Prokuroria thotë se Elliott Management ende ka kontroll dhe e ka nën pronësi Milanin, kështu që shitja në vitin 2022 te RedBird i Gerry Cardinales nuk ishte plotësisht në nivel.
Kjo vjen si rrjedhojë e veprimit ligjor të ndërmarrë nga disa aksionarë të mëparshëm minoritar në shitje.
Elliott Management gjithashtu zotëron Lille, prandaj do të ishte kundër rregullave që ata të mbanin kontrollin e Milanit, pasi kishin informuar FIGC dhe UEFA se ata nuk janë më në krye të kuqezinjve.
“Sky Sport Italia” bën të ditur se ish-CEO Gazidis, i cili kishte rolin nga viti 2018 deri në 2022, dhe CEO aktual Furlani janë të dy nën hetim për fshehjen e informacionit nga FIGC.
Milani lëshoi një deklaratë duke siguruar se klubi po bashkëpunon me autoritetet dhe vetë klubi nuk është nën hetim. Raportohet se vetullat u ngritën kur përfaqësuesit e Milanit po blinin një dokument në Arabinë Saudite duke u përpjekur të gjenin investitorë të rinj.
Elliott Management mori drejtimin e Milanit në vitin 2018 pasi ish-pronari Yonghong Li dështoi të vazhdonte shlyerjet e borxheve në fondin e mirëbesimit.
