Sivasspori përballë Alanyasporit. Rey Manaj kundër Fidan Alitit dhe Florent Hadërgjonajt.
Të tre titullarë.
Sulmuesi shqiptar ka shënuar golin e radhës në Superligën turke, të 15-n me fanellën e Sivassporit.
Ishte minuta e 64′ kur 26-vjeçari ndëshkoi skuadrën kundërshtare, duke barazuar përkohësisht rezultatin në 1-1.
Manaj po kalon një periudhë fantastike, duke shënuar rregullisht me skuadrën e Sivassporit. Madje gola shumë të bukur.
Për momentin, vetëm Edin Dzeko (18) i Fenerbahces ka shënuar më shumë se lushnjari në kampionatin turk.
