Cole Palmer u transferua verën e kaluar nga Manchester City te Chelsea për shumën e 47 milionë eurove.
Talenti britanik është përshtatur mjaft mirë në Londër duke u shndërruar në një nga lojtarët më të besuar për trajnerin Mauricio Pochetino.
Këtë fundjavë, Palmer do të provojë për herë të parë emocionet e rikthimit në Etihad Stadium, aty ku Chelsea do të sfidojë Manchester Cityn. Palmer e pranon se ndjesia do të jetë e bukur, por edhe e çuditshme në të njëjtën kohë ndërsa shtoi se do të jetë një ndeshje shumë e vështirë për Chelsean.
“Do të mundohem të bëj më të mirën ndaj Cityt, ashtu siç nëj në çdo ndeshje të kampionatit.
E di mirë se do të jetë një ndeshje shumë e vështirë, mezi pres të rikthehem në Etihad Stadium.
Do të jetë një ndjesi e çuditshme, por do bëj maksimumin për fanellën që përfaqësoj në këtë moment.
Chelsea është një klub i madh që ka fituar shumë trofe prestigjiozë, tani ka pak presion, por është normale. Tifozët janë gjithnjë shumë kërkues”, u shpreh Palmer.
