Astrit Selmani është bërë me skuadër të re pas largimit nga suedezët e Goteborg.
Sulmuesi kosovar karrierën do ta vazhdoj në Rumani, ku është futbollisti më i ri i Dinamo Bukureshtit.
Ka qenë faqja zyrtare e skuadrës rumune që ka zyrtarizuar afrimin e kosovarit, derisa i ka uruar suksese në aventurën e re.
Njoftimi i plotë nga Dinamo Bukuresht:
Mirësevjen, Astrit Selmani!
Reprezentuesi kosovar Astrit Selmani (26 vjeçar), herën e fundit në IFK Göteborg, sot është sulmuesi i ri i skuadrës sonë, njofton Dinamo 1948 përmes platformave zyrtare të komunikimit.
I lindur në Malmö me shtetësi të dyfishtë, Kosovë dhe Suedi, Selmani e filloi karrierën në futbollin suedez dhe luajti për Tornngelholm, Kristianstads, Rosengård, Torns, Varberg dhe Hammarby, duke u transferuar në verën e vitit 2022 nga Hapoel Beer Sheva (Izrael).
Selmani nuk është përshtatur me Izraelin, duke u huazuar në Midtjylland (Danimarkë) dhe IFK Göteborg (Suedi) gjatë vitit të kaluar.
26 gola u shënuan nga Selmani në premier ligën e Suedisë, sipas transfermarkt.com për Varberg dhe Hammarby.
5 përzgjedhje ka sulmuesi i ri dinamik për kombëtaren e parë të Kosovës. Ai luajti 3 ndeshje në kualifikueset e Botërorit në Katar dhe shënoi gol në miqësoren mes Kosovës dhe Burkina Fasos.
Selmani shënoi 6 gola në kupat e Europës dhe paraprakisht të Conference League, 5 për Hammarby dhe 1 për Hapoel Beer Sheva.
1 trofe e ka Selmani ne arritjen e tij, kupen e Suedise ne vitin 2021 me Hammarby.
