Agjencia e statistikave, CIES Football Observatory ka përpiluar listën me 100 mesfushorët më të mirë në mbajtjen e topit nën presion të lartë përgjatë 28 ligave të futbollit në tërë botën.
Përqindja më e madhe e mbajtjes së topit nën presion u regjistrua nga një lojtar që për pjesën dërrmuese nuk është i njohur. Darlington Nagbe (93.4%) i Columbus Crew.
Ndërkaq, pas tij gjenden katër mesfushorë, të cilët i njohim shumë mirë, e ndër ta edhe ylli me prejardhje nga Kosova, Granit Xhaka.
Rodri Hernandez i Manchester Cityt renditet në vendin e dytë me 92.1% të suksesit në mbajtjen e topit nën presion të lartë, Frenkie de Jong i Barcelonës i treti me 91.8%, kurse i katërti renditet Toni Kroos i Real Madridit e gjithashtu 91.8% sukses.
Ndërkaq, pozitën e pestë e mban Granit Xhaka i Bayer Leverkusenit me 91.6% sukses në mbajtjen e topit nën presion të lartë.
