Tirana do të presë në shtëpi Skënderbeun për të luajtur ndeshjen e vlefshme për javën e 21 të “Abissnet Superiore”.
Sfida që do të luhet të dielën do të startojë në orën 17:00
Një ndeshje në të cilën ekipet vijnë për 3 pikët e domosdoshme. Tirana kërkon 3 pikët për t’u shkëputur nga ndjekësit dhe të “blindojë” pozitat në “Final Four”. Në krahun tjetër, Skënderbeu dëshiron fitoren për t’u afruar sa më shumë me katërshen e parë.
Por ndeshjet 6 e fundit midis këtyre dy ekipeve “flasin” në favor të “bardhebluve”. Tirana ka fituar 3 nga 4 ndeshjet e sezonit të kaluar, ndërsa 1 ka përfunduar në barazim. Ndërsa në dy fazat e para të këtij sezoni, është përsëri Tirana ajo që ka rezultate pozitive.
Të besuarit e Julian Ahmatajt fituan një ndeshje dhe barazuan tjetrën. Këto statistika “favorizojnë” Tiranën, por 5 ndeshje pa fitore, mund t’i japin një tjetër motiv Skënderbeut.
