Instituti për Histori dhe Statistika të Futbollit (IFFHS) e ka publikuar së fundmi renditjen vjetore të ligave nacionale më të mira në botë.
Në vitin 2023, Superliga e Kosovës e ka marrë një vend mjaft të lakmueshëm.
Liga elitare e vendit tonë ka përfunduar në pozitën e 43-të në renditjen që llogaritet nga 1 janari 2023 deri më 31 dhjetor të vitit që shkoi.
Kosova ka përparuar për 13 pozita pasi liga e këtushme në vitin 2022 ishte në vendin e 56-të.
Superliga e Kosovës u vlerësua me 402,75 pikë në vitin që sapo përfundoi.
