Aktivimi i Ledio Tresës në pjesën e dytë i dha një impuls tjetër skuadrës kurbinase.
Trajneri Mirel Josa beson shumë te mesfushori 18-vjeçar, i cili arriti që të shënojë edhe golin e fitores për Laçin në minutën e 96-të.
Një trepikësh me vlera për kurbinasit, që erdhi falë golit të shënuar nga 18-vjeçari, i cili në finalizim tregoi sikur kishte një jetë që luante në Superiore.
Pas ndeshjes për “MCN” heroi i fitores së Laçit, Ledio Tresa, u shpreh:
“Jam i lumtur për golin. Pas një dëmtimi të gjatë që kalova, ky gol më jep kurajo për më tej.
I lumtur për tre pikët që morëm sot dhe shpresoj të vazhdojmë kështu”.
