“Napoli ishte i interesuar mbi Dragusin qe nga fillimi në një mënyrë shumë konkrete, kam folur shumë herë me De Laurentiis.
E donte edhe Milani.
Por djali preferoi të shkonte jashtë Italie edhe për shkak të lidhjes së tij me tifozët e Genoas”.
Kështu ka folur për TuttoMercatoWeb.com Florin Manea, agjent i mbrojtësit të ri të Tottenham, Radu Dragusin, i cili së fundmi u transferua nga Genoa.
Kur lindi mundësia për të shkuar në Tottenham? “Ne kishim folur për dy muaj.”
Aty ishte edhe Bayern Munich… “Bayern Munich u shfaq në ditën e fundit para largimit dhe është normale të mendosh për këtë. Megjithatë, djali e mbajti fjalën me Tottenhamin”.
A ka pasur ndonjë interes tjetër nga Italia? “Napoli ishte klubi më konkret. Por Radu nuk donte të shkonte në një tjetër skuadër italiane, madje nuk donte të largohej nga Genoa në gjysmë të sezonit… mendonte më shumë për tifozët sesa për karrierën e tij. Ndërsa Milani bëri një sondazh, unë fola me Moncada-n, por i thashë që ne kishim zgjedhur tashmë Tottenhamin. Jemi të kënaqur me zgjedhjen, Radu e mban kur jep fjalën. Gjithmonë”.
E tashmja dhe e ardhmja thonë Tottenham. “Ai dëshiron të luajë çdo ndeshje. Ai ëndërronte për Premier League si fëmijë. Kur ai ishte gjashtëmbëdhjetë vjeç, unë parashikova se do të shkonte në Angli. Më quajnë Nostradamus të Rumanisë (buzëqesht)”.
