Dinamo City njofton se ka ndërprerë me konsensus bashkëpunimin me tre lojtarë. Indrit Prodani, Ali Samake dhe Amarildo Gjoni nuk do të jenë më pjesë e “bluve” për pjesën e mbetur të sezonit.
“FC Dinamo City njofton se ka arritur marrëveshjen për ndërprerjen e bashkëpunimit me lojtarët Indrit Prodani, Ali Samake dhe Amarildo Gjoni. Klubi dinamovit i falenderon lojtarët për kontributin e dhënë me fanellën tonë dhe i uron suksese në vazhdimësinë e karrierës!”, shkruhet në njoftimin e klubit dinamovit.
Dynamo City nisi vitin me pretendime të mëdha, por pas rezultateve të dobëta në fund të tetorit u largua trajneri Luigi Di Biagio dhe vendin e tij e mori një njohje e vjetër e klubit, Dritan Mehmeti.
“Blutë” mbyllën vitin 2023 në vendin e pestë në renditje në kuotën e 22 pikëve, vetëm 4 pikë larg zonës “Final 4” (4 skuadrave të para që do të diskutojnë mes tyre titullin kampion në përfundim të sezonit të rregullt).
