Gjatë intervistës së gjatë të dhënë për “L’Equipe”, Rino Gattuso foli për trajnerët që kanë shënjuar karrierën e tij, nga Ancelotti te Lippi, por jo vetëm: “Ancelotti është një prift i të gjitha profesioneve. Ai mund të të lejojë të bësh gjithçka dhe kjo është një gjë e pabesueshme.
Marcello Lippi nuk të lë të bësh shumë, ai të frikëson. Ose silleshe mirë me atë trajner, ose nuk ishe pjesë e ekipit të tij. Unë kisha edhe Walter Smith, isha 17 vjeç, një trajner me dashamirësi të madhe dhe edukues.
Pastaj kisha edhe Zaccheroni, një përbindësh taktik që shpjegonte çdo detaj të ndeshjes, por që ndoshta i mungonte diçka për ta përcjellë sa duhet motivimin”.
Gattuso dhe kritikat: “Ne nuk e ndryshojmë dot botën. Jetojmë në një botë të keqe për shkak të atyre që unë i quaj luanët e tastierës, të cilët përhapin urrejtje pas një ekrani dhe mund t’jua nxijnë faqen në dhjetë minuta. Ju duhet të keni forcë të madhe për të besuar në atë që bëni”.
Në këtë intervistë, Gattuso, foli për rrugëtimin e tij si trajner: “Gjithçka filloi kur isha 27-28 vjeç vjeç. Me Milanin luajtëm kundër Barcelonës së Guardiolës, ku bënin pjesë yje të tillë si Ronaldinho, Messi, Xavi dhe Iniesta. Vrapova për 95 minuta në fushë, por e preka topin vetëm tri apo katër herë.
Nuk e kuptoja se çfarë po ndodhte në fushë me ne. Atëherë fillova të interesohesha për këtë, fillova të studioja, të shikoja anët taktike të futbollit”.
Anekdota me Guardiolën: “Një herë kam pritur tri ditë jashtë portave të Bayern Munich, duke dashur të shihja kalimin e makinës së Guardiolës. Nuk i kisha kërkuar askujt asgjë, sepse nuk më pëlqen të kërkoj favore.
Pastaj ai kaloi pranë nesh dhe na njohu. Shumë keq që kishin kaluar tashmë aty më shumë se dy ditë. Unë dhe zëvendësi im, Gigi Riccio, ishim të ngrirë për vdekje”.
