Marco Verratti tek Al Arabi në Katar për 45 milionë euro ishte një nga transferimet më interesante të verës së kaluar.
PSG, e etur për të revolucionarizuar projektin e saj teknik duke privuar veten nga shumica e yjeve që kanë qenë pjesë e skuadrës së Al-Khelaifi prej vitesh, në fakt ka krijuar një rrugë të re duke shitur kampionë të kalibrit të Messit, Neymar, Sergio Ramos e shumë të tjerë përballë të rinjve interesantë të udhëhequr nga Kylian Mbappe.
Verratti kishte qenë një nga blerjet e para të mëdha të PSG-së nën pronësinë e re, pasi u mor direkt nga Seria B nga Pescara falë ndërmjetësimit të Leonardo-s, i cili atëherë punonte për klubin francez.
11 vite në kryeqytetin francez ku u bë shpejt idhulli i tifozëve pavarësisht zhgënjimeve të shumta të hidhura në Champions League, që ka qenë gjithmonë synimi i vërtetë i PSG-së.
Sot Verratti po vazhdon karrierën e tij në Katar. Në moshën 31-vjeçare dhe me kontratë që skadon në vitin 2025, ai po kalon një tjetër eksperiencë jashtë vendit dhe po e bën me lehtësinë e zakonshme që e dallon.
Sigurisht që kushtet e kontratës të përcaktuara me klubin e Katarit janë mjaft të veçanta. Mesfushori italian fiton rreth 30 milionë euro që korrespondon me 3400 euro çdo orë. Një shifër e rëndësishme dhe domethënëse për një kampion të kalibrit të tij, i cili sigurisht që po bie në sy në fushë.
Por mbi të gjitha, një klauzolë shumë e veçantë u shfaq në kontratën e tij të nënshkruar me klubin e Katarit, të cilën ai dëshironte fort ta përfshinte në kohën e transferimit të tij nga PSG. Është një lëshim i jashtëzakonshëm që është befasues duke pasur parasysh pagën e madhe që ka marrë lojtari.
Në fakt, Marco Verratti nuk heziton të kthehet rregullisht në Europë.
Mesfushori italian është shpesh i pranishëm në eventet e mëdha të organizuara nga lojtarët e PSG-së dhe në veçanti ishte i pranishëm në ditëlindjen e fundit të Kylian Mbappe.
Asgjë e çuditshme duke qenë se L’Equipe bëri të ditur se Verratti negocioi një klauzolë të bujshme me klubin e Katarit kur nënshkroi për Al-Arabi.
Në fakt, marrëveshja e tij përfshin mundësinë e largimit nga Katari për një javë në muaj, duke e lejuar atë të largohet rregullisht nga Doha së bashku me partneren e tij Jessica Aidi për t’u takuar me miqtë dhe ish-shokët e skuadrës që kanë mbetur në Europë.
