Jose Mourinho e ka cilësuar Ronaldo Nazario si futbollistin më të mirë të të gjitha kohërave, përpara Cristiano Ronaldos dhe Lionel Messit.
R9 ka mahnitur tifozët e futbollit përpara Cristiano-s dhe Messit dhe mbetet një idhull për shumë tifozë në mbarë botën për shkak të aftësive dhe arritjeve të tij fenomenale në fushë.
Sipas Daily Mirror, Mourinho, i cili ka punuar me Ronaldon gjatë ditëve të tij te Barcelona, ka deklaruar se sulmuesi brazilian është futbollisti më i madh që ka shkelur ndonjëherë fushën e futbollit.
“Ronaldo, El Fenomeno. Cristiano Ronaldo dhe Leo Messi kanë pasur karrierë më të gjatë, kanë qëndruar në majë për 15 vjet.
“Megjithatë, nëse po flasim rreptësisht për talent dhe aftësi, askush nuk e kalon Ronaldon.
Kur ai ishte te Barcelona me Bobby Robson, kuptova se ai ishte lojtari më i mirë që kisha parë ndonjëherë të dilte në fushë”.
Gjatë një karriere spektakolare me Real Madrid, Barcelona, PSV Eindhoven dhe Inter Milan, sulmuesi brazilian fitoi dy herë Kupën e Botës dhe dy Topa të Artë.
