Kukësi dhe Skënderbeu kanë ndarë pikët në një barazim spektakolar të luajtur në “Arenën e Demave”, e vlefshme për javën e 14-të, që u mbyll me rezultatin 2-2.
Të parët që kaluan në avantazh ishin korçarët, që gjetën rrjetën me Frenkiln, e më pas me Likën, duke marrë lojën nën kontroll.
Por në të dytën verilindorët e Nicës u “ringjallën”, duke gjetur golin me Zhongon në minutën e 55’ e më pas me Da Motën në 81’, të dyja të ardhura si pasojë e këndoreve.
Kështu Kukësi ngjitet momentalisht në vendin e 8-ë të renditjes, ndërsa Skënderbeu vazhdon të jetë në vendin e katër me 18 pikë.
KUKËSI 2-2 SKËNDERBEU
Zhongo 55′, Da Mota 81′ / Frenklin 13′, Lika 38′.
