Dy humbjet e pësuar ndaj Chelsea dhe Wolverhampton, pas një fluturimi prej dhjetë ndeshjesh në kampionati pa humbje, nuk e kanë dëmtuar entuziazmin e Tottenham për fillimin e shkëlqyer të epokës së Postecoglou.
Në fund të fundit, pas largimit të Harry Kane te Bayern Munich, askush te Spurs nuk kishte iluzione për mundësinë e një sezoni pozitiv, por pas një të tretës së kampionatit në një nivel të lartë objektivi u bë kualifikimi për në Champions League.
Për ta arritur këtë objektiv, trajneri australian është i vendosur të kërkojë një “dhuratë” nga klubi për të forcuar sulmin. Në fakt, për sa i përket golave të shënuar, Tottenham është skuadra më e keqe mes pesë të parave të Premier League me “vetëm” 24 gola të shënuar.
Sipas asaj që raporton The Sun, ish-trajneri i Australisë e ka identifikuar Raphinha-n si përforcimin ideal për sulmin, ku Richarlison tashmë do të mungojë prej disa kohësh, pasi është operuar për të zgjidhur problemet e pubalgjisë.
Sulmuesi i krahut brazilian po gjen pak hapësirë te Barcelona e Xavit pas një sezoni të parë si titullar, i cili kulmoi me fitoren e La Ligas.
Mundësia e rikthimit në Premier League, një kampionat ku Raphinha spikati me Leeds në periudhën 2020-2022, vetëm për t’u blerë nga Blaugrana për 65 milionë euro, tundon lojtarin, edhe me synimin për të mbetur brenda kombëtares braziliane.
Sipas kontratës me katalanasit deri në vitin 2026, Raphinha vlerësohet nga Barça jo më pak se 70 milionë euro. Një shifër tepër e lartë për arkat e Tottenhamit, i cili synon të bëjë një shkëmbim. Një nga Cristian Romero ose Giovani Lo Celso mund të shkojë te katalanasit.
Ish-mbrojtësi i Atalanta-t është titullar te Spurs, por konsiderohet i sakrifikueshëm nga Postecoglou, megjithatë marrëveshja mes dy klubeve mund të gjendet pikërisht për emrin e Lo Celso, i cili nuk po luan shumë në Londër dhe që mund të jetë i dobishëm te Barcelona për të zëvendësuar Gavi, sezoni i të cilit tashmë ka përfunduar pas dëmtimit të rëndë të pësuar në kombëtare gjatë ndeshjes kundër Gjeorgjisë.
