Kombëtarja e Kosovës U21 do të luaj ndeshjen e gjashtë në kampanjën kualifikuese për Kampionatin Evropian.
Dardanët e rinj do të përballen me Izraelin me fillim nga ora 13:00 në stadiumin ‘Zahir Pajaziti’ në Podujevë.
Federata e Futbollit të Kosovës ka njoftuar se për shkaqe sigurie kjo ndeshje do të zhvillohet pa praninë e tifozëve.
Kosova nuk ka fituar që katër ndeshje dhe synojnë që të rikthehen te fitoret pas dy humbjeve dhe dy barazimeve radhazi.
Në anën tjetër për dallim nga Kosova U21, Izraeli U21 ka zhvilluar vetëm dy ndeshje dhe ka pësuar dy disfata.
Përderisa gjasat për kualifikim janë të vogla, kërkohet tre pikëshi për tu ngritur në pozitën e tretë të cilën e mbanë Bullgaria me gjashtë pikë.
Të besuarit e trajnerit Afrim Tovërlani deri më tani kanë grumbulluar pesë pikë nga po aq ndeshje, duke marrë një fitore, dy barazime e dy disfata.
