Edhe trajneri i përfaqësueses së Moldavisë, Sergei Kleshçenko, iu përgjigj pyetjeve të gazetarëve në konferencën zyrtare për shtyp para ndeshjes me Kombëtaren kuqezi. Ai shpreson që skuadra e tij të ketë nxjerrë mësime nga humbja e përballjes së parë me Shqipërinë në Tiranë.
“Unë e njoh përfaqësuesen shqiptare, kemi luajtur me ta jo shumë kohë më parë. Humbëm 0-2, shpresoj të kemi nxjerrë konkluzione dhe shpresoj për një rezultat pozitiv nesër.
Gjëja më e rëndësishme është që lojtarët të kuptojnë rëndësinë e takimit, sytë e të gjithëve po shkëlqejnë, ata e kuptojnë se njerëzit do të mbushin stadiumin, do të emocionohen dhe do t’i mbështesin. Ne i trajtojmë tifozët tanë me dashuri të madhe dhe e kuptojmë përgjegjësinë që bie mbi ne.
Në fushë nuk do të ketë patjetër njerëz indiferentë. Tani ndeshja me Shqipërinë është shumë e rëndësishme, nuk po mendojmë ende për ndeshjen me Republikën Çeke. E kuptojmë që është më mirë të vdesim në fushë tani sesa të lëmë gjithçka për ndeshjen me Republikën Çeke”.
Trajneri moldav nuk ka pranuar të flasë për skemat taktike, duke zgjedhur gjithashtu të mos ndikohet nga deklarat e kundërshtarit.
“Nuk mund të ndryshojmë asgjë rrënjësisht
Por dua dhe shpresoj që nesër të luajmë si në pjesën e dytë të ndeshjes me Poloninë, kur shpirti, lufta, zemra dhe shpirti ishin të pranishëm.
Gjithçka ishte në fushë. Shqiptarët thonë se Moldavia është një rival serioz? Nuk i kam lexuar deklaratat e tyre.
Mundohem të përqendrohem në punën time dhe të mos lexoj intervistat e kundërshtarëve të mi, sepse gjithsesi ata nuk do të thonë asgjë serioze, vetëm për futbollin".
