Dalin në shitje biletat e ndeshjes Kosovë – Bjellorusi!
Federata e Futbollit e Kosovës njofton se biletat për ndeshjen Kosovë – Bjellorusi, në kuadër të kualifikimeve për Euro 2024, e cila do të luhet më datë 21 nëntor, respektivisht të martën tjetër nga ora 20:45, në stadiumin “Fadil Vokrri”, sapo kanë dalë në shitje.
Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.
Kosova do ta mbyllë kampanjën kualifikuese me këtë ndeshje, ndërsa paraprakisht do të luajë këtë të shtunë me Zvicrën në Basel.
