Fituesit e Kupës së Botës, Argjentina, vazhdojnë përpjekjet e tyre për t’u kualifikuar në Kampionatin Botëror të vitit 2026 gjatë pushimeve ndërkombëtare dhe përballen me beteja titanike.
Së pari, kombëtarja Albiceleste pret Uruguain me datë 17 nëntor, përpara se të udhëtojnë për t’u përballur me rivalët e mëdhenj Brazilin disa ditë më vonë.
Trajneri i ekipit kombëtar, Lionel Scaloni, ka publikuar listën e futbollistëve të ftuar, me Lionel Messin që është sërish emri kryesor i ekipit.
🏆 #SelecciónMayor Lista de convocados para las próximas dos fechas de las #EliminatoriasSudamericanas 🗓️
— 🇦🇷 Selección Argentina ⭐⭐⭐ (@Argentina) November 11, 2023
📝 https://t.co/9DME3zk5FR pic.twitter.com/LrZVKu1WaG
Megjithatë, është dikush i përfshirë për të cilin jo shumë njerëz jashtë Argjentinës do të jenë në dijeni, dhe ai është mbrojtësi i Mallorcas, Pablo Maffeo.
Maffeo, i cili ka lindur në Spanjë, por ka të drejtë të luajë për Argjentinën përmes nënës së tij, është një nga tre mbrojtësit e djathtë të përzgjedhur nga Scaloni, me ish-yllin e Sevillas, Gonzalo Montiel dhe Nahuel Molina të Atletico Madridit.
Me përjashtim të ndonjë lëndimi, Maffeo nuk ka gjasa të luajë në asnjërën ndeshje, por do të jetë një përvojë e jashtëzakonshme për 26-vjeçarin.
